De Plekploasters B O A K S U M

Aansjtoandje dinsdig sjtoan Rempetemp, Hoondervel, de Heite Hinne, Sjpringlaevend, Noa Veltrop en The Deejays oppe Jeu de Boéte Plekfinale oppe Jeu de Boulesbaan in Boaksum!

Vandaag zeen wea begonne mèt de opbouw vöär dit prachtige evenementj dat de vasteloavendj aafsjloetj.

Natuurlijk is er ouch aan get te eate gedachtj: Wavesound en Hermus Catering zeen aanweazig met onger angere heerlijke saté, hamburgers en loaded fries!

Zeen wea uch aansjtoandje dinsdig vanaaf 14:11 oor in Boaksum?

Bèste Plekploasters,

Effe un korte herinnering vöär ut aanmeldje vöär de optocht.

Ut aanmeldje geit net wie eder joar weer via de website. Aanmeldinge vöär de optocht mótte oéterlik 27 fibberwarie, binne zeen. Wennieër wea de aanmelding op of noa 28 fibberwarie óntvange, weardj deilname vöär de originaliteitspriés oétgesjloate.

Aanmeldje kin via dees pagina.

De verkaup van de karnavalsgazet start op 3-2-2025. Roadsleeje goan dees weak hie veur op paad. Mochten wea ug gemisj hubbe, de gazet is vanaaf 10-2-2025 aug te kaup bie de Spar.

Leef Plekploasters,

Gisteroavendj waas ut weer zoea-wiéd: de Leedsjesoavendj van De Plekploasters. Mer leefst 8 deilnimmers höbbe höär leedje ten gehuëre gebrachtj, mer d’r kin d’r mer eine winne en det is: Joekskapel Wildje Brass, mèt höär leedje: ‘Door de vöärdöär achteroét’.

Wea wille alle deilnimmers danke vöär hun enthousiasme en deilname en natuurlik Wildje Brass van herte proficiat!

Diverse deilnimmers höbbe hun leedje ouch ingezónje noa ut LVK. De Stichting LVK maaktj de liést mèt leedjes die doorzeen noa de halve finale op moandjig 16 december van 19:00 tot 21:00 oor live bekindj op L1 Radio. Succes allemoal!

Gisteroavendj vónj inne zaal ut oétroope plaats. As ieërste weardje ut Booregezelsjap bekindj gemaaktj: 
KinjerBoorebroédspaar: Tuur Rierink & Lynn van Deurzen
Boorebroédspaar: Juul Adams & Zoë-Sophie Van De Voort

Doanoa weardje de Jeugdprins oétgeroope:
De 61ste Jeugdprins Jur I (Hanssen) van de Plekkerkes zal regere ónger ziéne sjpröäk:
“Miéne druim beleave, same goan wea alles geave”
Jeugdprins Jur I zal weare biejgesjtoan door Adjudant Tess (Frenken) en Jeugdvorst Pit (Francot)

Mer… Weam is de Prins?

Als lètste weardje de Prins oétgeroope, noa un sjpannendje aaflevering van “Weam is de Prins?” 
De 67ste Prins van de Plekploasters Jeroen I (Roumen) zal goan regere ónger ziéne sjpröäk:
“In de vasteloavestiéd, zeen wea de tèl kwiét”
Dit duit d’r same mèt zién adjudante Antoine (van Eijk) en Ruud (Verhaegen), zién prinses Marjan en de dames van de adjudante; Ilona en Loes.

Den nog get filmpkes van de sjpannende serie ‘Weam is de Prins?’

Zoaterdig 14 december Leedjes Oavendj bie de Baexheimerhof! Wilse mit doon, geaf dich gauw op door te mailen noa [email protected].

Leef Plekploasters,

Vanaaf 21 september 2024 komen os leje langs uch deur mèt de loten van de Grote Clubactie.
De hoofdpries is 100.000 euro! Koaptj gea ut winnende lot?