Nieuwsberichten

Verkaup karnavalsgazet

Geplaatst op 3 februari 2025

De verkaup van de karnavalsgazet start op 3-2-2025. Roadsleeje goan dees weak hie veur op paad. Mochten wea ug gemisj hubbe, de gazet is vanaaf 10-2-2025 aug te kaup bie de Spar.

Sjlager 2025: Wildje Brass – Door de vöärdöär achteroét

Geplaatst op 15 december 2024

Leef Plekploasters,

Gisteroavendj waas ut weer zoea-wiéd: de Leedsjesoavendj van De Plekploasters. Mer leefst 8 deilnimmers höbbe höär leedje ten gehuëre gebrachtj, mer d’r kin d’r mer eine winne en det is: Joekskapel Wildje Brass, mèt höär leedje: ‘Door de vöärdöär achteroét’.

Wea wille alle deilnimmers danke vöär hun enthousiasme en deilname en natuurlik Wildje Brass van herte proficiat!

Diverse deilnimmers höbbe hun leedje ouch ingezónje noa ut LVK. De Stichting LVK maaktj de liést mèt leedjes die doorzeen noa de halve finale op moandjig 16 december van 19:00 tot 21:00 oor live bekindj op L1 Radio. Succes allemoal!

Prinsoétroope 2024-2025

Geplaatst op 17 november 2024

Gisteroavendj vónj inne zaal ut oétroope plaats. As ieërste weardje ut Booregezelsjap bekindj gemaaktj: 
KinjerBoorebroédspaar: Tuur Rierink & Lynn van Deurzen
Boorebroédspaar: Juul Adams & Zoë-Sophie Van De Voort

Doanoa weardje de Jeugdprins oétgeroope:
De 61ste Jeugdprins Jur I (Hanssen) van de Plekkerkes zal regere ónger ziéne sjpröäk:
“Miéne druim beleave, same goan wea alles geave”
Jeugdprins Jur I zal weare biejgesjtoan door Adjudant Tess (Frenken) en Jeugdvorst Pit (Francot)

Mer… Weam is de Prins?

Als lètste weardje de Prins oétgeroope, noa un sjpannendje aaflevering van “Weam is de Prins?” 
De 67ste Prins van de Plekploasters Jeroen I (Roumen) zal goan regere ónger ziéne sjpröäk:
“In de vasteloavestiéd, zeen wea de tèl kwiét”
Dit duit d’r same mèt zién adjudante Antoine (van Eijk) en Ruud (Verhaegen), zién prinses Marjan en de dames van de adjudante; Ilona en Loes.

Den nog get filmpkes van de sjpannende serie ‘Weam is de Prins?’

Teaser: Weam is de Prins?

Geplaatst op 7 november 2024

Leedjes Oavendj

Geplaatst op 19 oktober 2024

Zoaterdig 14 december Leedjes Oavendj bie de Baexheimerhof! Wilse mit doon, geaf dich gauw op door te mailen noa [email protected].

Grote Club Actie

Geplaatst op 22 september 2024

Leef Plekploasters,

Vanaaf 21 september 2024 komen os leje langs uch deur mèt de loten van de Grote Clubactie.
De hoofdpries is 100.000 euro! Koaptj gea ut winnende lot?

Grote Clubactie 2024

Geplaatst op 10 september 2024

Vanaf zaterdag 21 september komen de raadsleden van onze vereniging weer langs de deur om loten voor de Grote Clubactie te verkopen. De prijs van een lot is €3,00, waarvan 80% van naar onze vereniging gaat.

De trekking voor de Grote Clubactie is op dinsdag 19 november. Vanaf woensdag 20 november kunt u de trekkingsuitslag bekijken op de website van de Grote Clubactie.

Nuuje vöärzitter

Geplaatst op 22 mei 2024

Tiéjes de joarvergadering van gisteroavendj is Paul Evers unaniem gekoaze tot de noewe vöärzitter van KV de Plekploasters. Paul volgtj Jordi Meisen op dea 5 joar vöärzitter is geweasjt. Jordi bliéftj biej ós as lid vanne Road van 11. Vöäl succes Paul!

Nuuj Vorstenduo

Geplaatst op 5 maart 2024

Bèste vasteloavesvrunj,

Zoeawie gea waarsjiénlik gehuërdj höbtj, zoeaj ig noa dit vasteloavesseizoen sjtoppe as vorst van KV de Plekploasters.

De zeuktocht noa unne opvolger verleep sjtroef en haaj noa 3 joar neet ut gewinsjte resultaat det ut besjteur en ig vöär uig haaje.

In de wangelgeng huërdje ig in dit seizoén det d’r 2 manne waal de taak van vorst op zich woeaje nimme as ig zoeaj sjtoppe.

Ig höb aan ut besjteur aangegeave det as wea opvolgers zoeaje vinje, ig nog ein seizoén bliéf om de nuuj vorste in te wèrke, zoeadet d’r unne werme öäverdracht kriége.

Dit is in ut belang van de KV en persuënlik vinj ig ut belangriék det d’r unne houp kinnes en ervaring gedeildj kin weare zoeadet dit neet verloare geit.

Mèt trots kin ig den ouch zègke det Erwin Florakx en Gregor Ronckers ut kómmendje seizoén mién VIO’s (vorst in opleiding) zulle zeen.

Beide hiëre zeen zeer enthousiast en sjtoan te popele om dees ieërvolle taak binnen de KV en ós gemeinsjap op zich te nimme.

Noa hun in ut nuuje seizoén ingewèrktj te höbbe zal d’r op unne nog te bepaale datum unne vorstewissel plaatsvinje woeabiej Erwin en Gregor as nuuj vorste geïnstalleerdj weare van KV de Plekploasters.

Ig treaj den noa 11 joar aaf as vorst van KV de Plekploasters.

Vorst John